Samien Alikisenda Bill (òrere Samuel Alexander Bill me usem Ebeke) òman me òso 10 Disemba, 1864 mè ikwu me òso 24 Jenuwari, 1942 (acha 78) ìre ogwu etip ikọ Awaji (Kiristien) ònan̄a me Ailan [Ireland], ogwu usọ òweek-ere [explorer] mè ogwu òchichili [founder] Qua Iboe Mission (eyi enwenebe erieen̄ inikigwen Mission Africa). Ekpukpo ọmọ isibi me Ntitiin̄ Piresbiterian eyi Ballymacarrett me Belfast agan̄ mbum-ura, ire, ọmọ ìkimalek igọọk ebi ntitiin̄ Island Street Belfast City Mission Hall igbaan̄ inu irọ. Ulọk îkaan̄be me lek isisi ilook etip ikọ Awaji me ofifi ido ìbene mgbọ Dwight L. Moody mè Ira D. Sankey enube Belfast me acha 1874.

Bill ìsi uwu-ikpa Harley Missionary Training College me Lọndọn me emen mgbọ Henry Grattan Guinness okupbe me otuchieen̄ uwu-ikpa ya; mè inikọp uran̄ isi Naijiria isi ibene ikwaan̄ ikọ Awaji me etete ebi Ibunọ me acha 1887. Ìchili ebon ere ikwaan̄ ikọ Awaji ya [mission base] me agba Okwaan̄ Kwa Ibo, enenigwen erieen̄ ere ikwaan̄ ikọ Awaji îchilibe ya, ibak okwaan̄ ya. Ere ikwaan̄ yi ìkeke me lek kan̄ (ìkakaan̄ achubọk ntitiin̄ geege ìsasan̄a ọmọ iria, ire, îkigbaan̄ inu irọ mèlek esese esese ntitiin̄ Awaji).

Mfufuk òwa si òkitumu ibe ke îre ebi Ibunọ ege ikpa me acha 1885 ijet ebi uwu-ibot Ntitiin̄ Piresibiterian me Yurop iweek ogwu etip. Ebiba eneniria S.A. Bill inu. Bill yi onichili Ntitiin̄ Qua Iboe.^[1]

Nrọnnye

↑ Chigachi Eke, Felix Tuodolo Modernising Ijaw Language. https://web.archive.org/web/20220823141101/https://guardian.ng/art/modernising-ijaw-language/

[1] Chigachi Eke, Felix Tuodolo Modernising Ijaw Language. https://web.archive.org/web/20220823141101/https://guardian.ng/art/modernising-ijaw-language/

[1]