Olọnjin

Olọnjin ìre asabọn anam ge òkup me ọgbọn̄ anam cha òkaan̄ ukot esọsọk, echi òkifuuk efet. Ema ekaan̄ ukot jeeta, mè ikaan̄ otu òkaan̄ ejeek [fang] eyi îkisa isan̄a ìwot [venom] itap me lek inu. Owuwa olọnjin mîkirom olik njin [silk]. Olọnjin ore òso jaaba òwawa lek ichit me etete ọgbọn̄ anam [animal order]. Esese esese lek olọnjin echi ebi usọ eweekbe imun̄ îwa iraka 48,000.

Olọnjin òwa me otutuuk kọntinenti ilọ me lek Antatika. Olọnjin òwa si me ere [habitat] geelek ilọ me lek emen mun̄ mè lek efet. Otutuuk olọnjin, ilọ me lek inen mè iben gaalek, ekitaka ofufi asabọn anam; owuwa ekitaka mwuwu. Ema ekisa me esese esese oniin̄ itet asabọn anam cha ema ebetaka. Usini kiban̄ ekilọk njin olọnjin sà usini ekitọp olik igọọk anam ya ema ekiweek itetet. Usini olọnjin ekikup me emen udọn̄, mè ikisibi me udọn̄ ya itet mwuwu geelek òboje iraka. Usini ekilọk njin eyi ema ekisa itọp ichit mwuwu òboraraka. Usini ekisibi isi-me-isi itim me lek asabọn anam ema ekiweek itetet. Usini kiban̄ mîriọọn̄ ikiwulu enenen; echicha ekibọm urie sa me isọsọọn̄ igbet lek anam ema ebetaka mè iwulu itet/ichọn.