Aliferedi Ogwu Ilile

Aliferedi Ogwu Ilile (òrere Alfred the Great me usem Ebeke) ìre ogwu mgbọ òre ubọọn̄ me Sakisọn agan̄ Ichep-ura bene me acha 871 re 886, mè ire ubọọn̄ Angilo Sakisọn bene me acha 886 mege îkwube me acha 889. Ọmọ ìre òta gwun̄ enerieen̄ ogwu ubọọn̄ Aethelwulf, me owot adasi ogwu nwa, Osburh, ogwu òkwukwu mgbọ Aliferedi orebe ijija. Ene ita me lek ebi ngwan̄ kè Aliferedi, Aethelbald, Aethelherht mè Aethelred, mîkpulu ge ogọọk ge sabum Aliferedi. Me ukot mkpulu kè Aliferedi, mîrọ owuwa nnen̄e-nsun̄ me agan̄ ubọk ikpulu-ido mè agan̄ otu-ogbo akọn̄; echa onenisa unwene òkukup ifiin̄ enenen inu me Ingilan.<ref2>

Ikpoko alata okuket kè Aliferedi

Ogugo-ijọn̄ Biriten me acha 886

Mgbọ înenebe ogboon̄ ubọọn̄, îfiat owuwa acha isa itim akọn̄ me lek ebi Vaikin̄ ìkinitim akọn̄ me lek ido ya. Ọmọ îkaan̄ atalek ntim-mkpan̄ me Akọn̄ eyi Edin̄tọn.