Stolen Legacy (Igwegwen iso, Stolen Legacy: Greek Philosophy is Stolen Egyptian Philosophy) ìre ikpa George G.M. James ogebe mè igon isibi me acha 1954.

Ibot ikọ

Ibot ikọ ikpa yi okikpa ìre:

Ke uga ifuk-ibot cha echi ekibe îre ebi Giris esan̄a isibi, ke ìkare ema esan̄a isibi. Ke îre ebi Afirika agan̄ Inyọn̄, ebi eriọọn̄be kire ebi Ijipiti esan̄a ifuk-ibot cha isibi.
Ke ebi Giris echiin̄ ifuk-ibot cha me Ijipiti mgbọ Alikisenda Ogwu Ilile otimbe ikpan̄ Ama ile Alikisendira mè ikpulu ogbogbo ikpa me Agwut Ikpa Alikisendira isa ifo.
Ke Aristọtulu ìsa agwut ikpa ile ya isa irọ uwu-ikpa kan̄.
Ke oke emen mgbọ cha egebe me emen mfufuk ibe ke îre mgbọ ebi usọ ifuk-ibot Giris ebene ikifuk ibot si re mgbọ ema ekanabe igwook, ke otutuuk emen mgbọ cha ìre mgbọ ebbi Giris ekupbe me akọn̄, ikitim akọn̄ ema ema mè ikitim si mèlek ebi mbuuruk kiban̄; ke emen mgbọ akọn̄ ìkare mgbọ ebi ene ekisa isiki lek ikeek inu idọk ire lek mêkọtbe isan̄a ojelek udọk udọk ifuk-ibot kecha isibi.
Ke otu-ifuk ikpa egobe ibe îre Aristọtulu oge îwa enenen iraka ikpa ene ge obokọt ige ọmọ gaalek me ugwem kan̄.

Nrọnnye