Nsaikilopedia
Nsaikilopedia ìre ikpele ikpa òkititiin̄ ifuk-ibot me esese esese agọọk nkweek mè ìyaka ire agọọk nkween̄ ge gaalek. Ekiche inu òkup me emen nsaikilopedia itap me atikulu mè isun̄ ema me onineen̄ igọọk me nkwukwuuk abichi mè ìre igọọk me ibot ikọ, ire ìkare ikeya, mêtap ugọbọ emen efet mè ìre irọ ibe ikup mfufet iweweek etip me emen. Inu ekige me emen nsaikilopedia îkijọn̄ọ mè ikpa inu iwele idọk igak echi ekimun̄ me emen owuwa òbum-ikọ. Atikulu ekige me nsaikilopedia ìkigwuun̄ chieen̄ me lek inu òrere atikọ ofolek erieen̄ atikulu ya. Eya înwene me lek ebi kè òbum-ikọ echi òkigwuun̄ chieen̄ me lek etip ògbaan̄ me lek usem ofolek esese esese ikọ, kubọk mfufuk erieen̄, inu îsibibe, ngwen-nsibi, ike ekisa itumu usem, mè esese esese oniin̄ ikọ cha okinwene igọọk me lek ikan òkikpulu inanama.