Jọn Ikwut

Jọn Ikwut (1877–1947) ìre ogwu Naijiria ge òkilook ata etip eyi ebi Karais. Ọmọ ìre ogwu Obolo ònan̄a me Ama Ikwut me Obolo agan̄ Ichep-ura. Ogwu ute ìre ogwu ubọọn̄ Ikwut Efuya, ogwu òchichili Ama Ikwut, sà ogwu uga ire Daa Obiringene ogwu Ọkọlọba Ǹkọọn̄. Ogwu uga ìre ogwu Ekede. Eman ọmọ me acha 1877 me Ama Ikwut, isisi uwu-ikpa ọdọ me St Paul's School me Ọkọlọba Ǹkọọn̄, bene me 1887 ire 1895, mè inisi uwu-ikpa etete me "Wesley Boys High School" me Legọs. Me mgbọ ya, erumfaka Kiristien îwuulek ibene ikikpọk ichon me agan̄ ichep-ura me ere ònire Naijiria mgbọ keyi, mè ichon si me agan̄ Ebon Okwaan̄ Naija, sa me lek ikwaan̄ ilolook ata etip eyi ebi Church Missionary Society eyi Bishọp Samien Ajayi Crowther orebe adasi ogwu ibot. Sa me ikween̄-inu Jọn Ikwut obọkọbe me Legọs, înibọkọ ikan òkikpulu ubọk iluk-ugwem eyi ebi ìkigọọk erumfaka Kiristien mè ubọk ikeek-inu kiban̄ itap.