George G.M. James

George Granville Monah James (9 Novemba 1893 – 30 June 1956) ìre ogwu Guyana-Amerika, ogwu usọ mfufuk mè òge-ikpa. Echubọk iriọọn̄ ọmọ me lek ikpa îgebe me 1954, eyi ekigwen Stolen Legacy, eyi òkigbini ibe ke uga ifuk-ibot eyi ebi Giris mè erumfaka kiban̄ ìnan̄a me lek eyi ebi Ijipiti Ukot Ikaan̄.

James ìman me Georgetown, Guyana. Ogwu ute ìre Reverend Linch B. James sà ogwu uga ore Margaret E. James. James ìbọkọ ikpa itọn̄ eyi adasi mè òso iba me Uwu-ikpa Ile Durham me Ingilan, mè ibọkọ eyi òso ita me Uwu-ikpa Ile Kọlọmbia me New York. Ìdasi ire ogwu usọ-ikpa òkijeen̄ lọjik mè Usem Giris me Livingstone College me Salisbury, North Carolina, sabum înisi irọ ikwaan̄ me Arkansas AM&N College me Pine Bluff, Arkansas.

James ìkwu acha iba iraraka me lek îgonbe ikpa kan̄ ekigwen Stolen Legacy me acha 1954.