Ebireyam

Ebireyam (òrere Ebiram) ire nte ebi Ju me erumfaka Ebireyam melek erumfaka Juda, erumfaka Karais mè Isilam.Me erumfaka Juda, ọmọ ire ogwu obebene mgban-nrọ osibi esese me etete ebi Ju mè Awaji; me erumfaka eyi Karais, ọmọ ìre nte otutuuk ebi ichechieek me lek ke Karais me erumun̄,Erieen̄ kan ke esi igwen erumfaka Ebireyam, erumfaka Ebireyam ofifi kubọk ebi erumfaka Bahai mè erumfaka Druze mîkinyi ọmọ umin si.

Mfufuk ugwem kè Ebireyam, ike ekpabe me Ibebene me Ikpa Mbuban eyi Iburu, ibot inu ikîkpa ìre inu ofolek owot iman̄ kè Ebireyam mè ijọn̄.Ọmọ ke Awaji ogwenbe ibe inan̄a me uwu ogwu ute ore Tera me isiluk me ijọn̄ Kanaan, eyi Awaji onichieek ọmọ mè nsabọn kan̄ me use. Use yi ke Aisik gwun̄ kè Ebireyam ogwu sera omanbe nyi ọmọ onikaan̄ me ìrot mè Ishmel okpọkọ ngwan̄ kè Aisik ke echieekbe use ibe ke ọmọ môkana nte ikpile ido. Ebireyam ìlep ijọn̄ ufuun̄ (nkororok ebi nte-nte) me Ebrọn isa ifuun̄ Sera mè isa me ikeya ikana ogwu ikan̄ ijọn̄ ya; Aisik, ogwu odedie ìrot kan̄, ikaan̄ nwa me uwu nte kan̄ mije isa me ikeya ikan̄ mbọkọ-ntap eyi ogwu ute mè ogwu uga. Ebireyam ododo ofifi nwa. Erieen̄ kan̄ ìre Ketura mè ikan̄ nsabọn ebirieen̄ gweregwen igbalek nsabọn̄ iwuulek ikan̄. Mgbọ Ebireyam okwube, efuun̄ ọmọ me agbalek Sera, Aisik gaalek obọkọ otutuuk inu-nkaan̄ kè kan̄, nsabọn̄ Ebireyam kèchilọ ebọkọ inyinyi gaalek.

Ogbogbo melek ebi usọ ikween̄-inu ekimu mgbọ ebi ute cha mè isisibi kubọk mgbọ eyi oyerebet me oka inyan̄a ibot me Ikpa Mbuban kubọk ìre oka ubọk ige inu eyi ebi mgbọ ya. Ebi ekisa ijon̄ irọ mweek efiat obop acha ge ikiweek inu ofolek Eberiyam, ire, ema kpeweek imu nu.ogbogbo ene mîkana igwook ibe ke ege tora, adasi ibot Ikpa mbuban ini obene me Ibene me ayaya otu mgbọ ebi peshan, 500 BC, sa mije uyọrọlek okup me etete ebi Ju ikakaan̄ ijọn̄ iluk me Juda me mgbọ ebi Babilọn epulu ebi Juda me usun̄ ekigbini ijọn̄ òre unen kiban̄ sa me "nte kiban Eberiyam", mè ebi ìkaka me usun̄ etoto ibot mgbini kiban̄ me lek Mosis mè isisibi mè orọmijọn̄ isisibi ebi Iserel.