Akwa Ibom ire agan̄-mkpulu me agan̄ osiki me ido Naijiria. Agan̄-mkpulu echi òtatap ikana ọmọ ìre Kurọs Riva me agan̄ mbum-ura, Rivas mè Abia me agan̄ ichep-ura, mè Emen-awaji Atilantik me agan̄ osiki. Agan̄-mkpulu yi ìbọkọ erieen̄ kan̄ inan̄a me lek Okwaan̄ Kwa Ibo òlilibi iraka me emen kan̄ mè iche ọmọ irek iba.<ref4> Efieek Akwa Ibom isan̄a me lek Kurọs Riva me acha 1987. Ama-ibot kan̄ ìre Uyo. Agan̄-mkpulu ija 31 okup me emen kan̄.

Okike ijọn̄ kan̄ ìre 7,081 km². Me etete agan̄-mkpulu 36 òkup me Naijiria, ọmọ ore òso 30 òmimin ichit me okike ijọn̄, mè ire òso 15 ene ewabe ichit me emen. Igọọk me orirọ ifuk-ene eyi acha 2016, otu-ifuk ebi ìluk me agan̄-mkpulu yi ìre efie 5.5<ref5>. Okwaan̄ Imo olibi iraka me okike ijọn̄ kan̄ agan̄ mbum-ura, sà Okwaan̄ Kurọs olibi iraka me okike ijọn̄ kan̄ agan̄ ichep-ura, Okwaan̄ Kwa Ibo ocheche agan̄-mkpulu yi irek iba sabum înilibi isi inin̄ Okwaan̄ Bọ̀ni. Me agan̄ osiki mbum-ura agan̄-mkpulu yi ke Awak Aka Okolo Stubb [Stubb Creek Reserve] okup. Me ere ya, ogbogbo anam-oron [wildlife] eyi ugwem kiban̄ ekupbe me unan [endangered] ekup. Otu-ifuk anam chi òkigele ike mgbọ okije. Anam echi òkup me ere ya ìre: asakwut, <putty-nosed> mkpinyọn̄, <red-capped managebey>, mè <sclater guenon> mèlek egbe ntọọk ntọọk, mè nriọk eyi Kamerun-Naijiria.<re6,7,8,9> Me emen okwaan̄, agan̄-mkpulu yi îkaan̄ esese esese ikpele irin̄ mè ebi kè utemun̄ mè odoogo kire odoogo ujọn̄ọ inwọm [bottle nose dolphin], odoogo ntọọk ntọọk [pantropical, spotted dolphine], odoogo ekpuk udun̄ [humpback dolphine], mè odoogo òkpan̄-inu [killer dolphine].

Mkpulu Ija

Mkpulu ija 31 okup me Agan̄-mkpulu Akwa Ibom. Ema ìre:

Abak
Eastern Obolo
Eket
Essien Udim
Esit Eket
Etim Ekpo
Etinan
Ibenọ
Ibesikpo Asutan
Ibiọnọ Ibom
Ikọt Ekpene
Ika
Ikọnọ
Ikọt Abasi
Ini
Itu
Mbo
Mkpat Eniin
Nsit Atai
Nsit Ibom
Nsit Ubium
Obot Akara
Onna
Oruk Anam
Ọkọbọ
Ọrọn
Udung Ukọ
Ukanafun
Uruan
Urue Ọfọn̄ Orukọ
Uyo

Usem

"Ekitumu akọp usem iba kubọk usem iman me Agan̄-mkpulu Akwa Ibom."^[1] Ire, ire ekpọ me ebi kè ufi inu egebe me ufi ere, mêmun̄ ibe usem cha îwa sọnja igak akọp iba. Usem echi ekitumu ìre ikechi (igọọk me nkwukwuuk abichi) mè Agan̄-mkpulu ija ekitumube usem cha:

Anaan̄ - Abak, Essien Udim, Ikọt Ekpene, Oruk-Anam, mè Ukanafun
Ebugu - Mbo mè Ọrọn
Efai - Mbo
Efik - Itu, Ọrọn mè Uruan
Ekit - Eket mè Esit Eket
Enwan̄ - Mbo
Etebi - Esit Eket
Ibibio - Etinan, Ikọnọ, Ikọt Abasi, Itu, Mkpat Enin, Nsit Atai, Nsit-Ubium, Onna, Uruan mè Uyo
Ibọnọ (Ibinọ) - Ibeno
Ibuoro - Ikọnọ mè Itu
Idere - Itu
Igbo - Ika mè Ukanafun
Ika - Ika
Iko - Eastern Obolo
Ilue - Ọrọn
Itu Mbon Usọ - Ikọnọ mè Itu
Iwerre - Ini
Nkari - Ini mè Ikono
Obolo (Andọni) - Eastern Obolo mè Ibenọ
Ọkọbọ - Ọkọbọ
Ọrọ - Ọrọn
Uda - Mbo

Ikpa m̀wèek ge ìtumu ibe ke "inu òbelek akọp usem gaalek ke eweek imun̄" me Agan̄-mkpulu ya,^[2] ke usini inu ekifuk kubọk ọkpọkpọ usem ìre gaalek otu-usem [dialects] echi usem usem ilile, ire, ikpa ya ìkatumu ìsibi ike owa esabe igwen ema otu-usem kpan̄asi ọkpọkpọ usem.

Ukot Mbọm

Ukot mbọm echi ebi ene ekimalek isi me agan̄-mkpulu yi ìre iwop-uko, mbọm irin̄ mè inyam-ewe.

Nrọnnye

↑ Edet, T. (n.d.). Akwa Ibom Ethnicity. https://www.aksgonline.com/about_people_ethnicity.html#:~:text=There%20are%2020%20languages%20spoken,are%20Anaang%2C%20Ibibio%20and%20Igbo.
↑ Udoh, I. (2005). The languages of Akwa Ibom State. ResearchGate. https://www.researchgate.net/publication/365993728_The_Languages_of_Akwa_Ibom_State

[1] Edet, T. (n.d.). Akwa Ibom Ethnicity. https://www.aksgonline.com/about_people_ethnicity.html#:~:text=There%20are%2020%20languages%20spoken,are%20Anaang%2C%20Ibibio%20and%20Igbo.

[2] Udoh, I. (2005). The languages of Akwa Ibom State. ResearchGate. https://www.researchgate.net/publication/365993728_The_Languages_of_Akwa_Ibom_State

[1]

[2]