Akpatanden̄

Akpatanden̄ ìre okwukwut ikwaan̄ òkisa <electronics> ibọkọ nkwukwuuk-etip [data] itap, mè ikisi ikwaan̄ me lek, mè isun̄ inwọn mè isan̄a si isibi ijeen̄. Nkwukwuuk-etip ìre asabọn inu òkigbaan̄ irọ etip, kubọk ifuk [numbers], ikọ, mè onineen̄ inu [list]. Akpatanden̄ ibọbọkọ nkwukwuuk-etip itap ìre igwegwen asabọn nkwukwuuk-etip itap me emen kan̄, inan̄a me lek òtap-etip kubọk akpọk-nge, mè ìre òbeme-etip [storage device] kubọk <hard drive> mè ìre ògban̄-ere [sensor]. Akpatanden̄ ìkirọ ikwaan̄ me lek nkwukwuuk-etip igọọk me lek nteme òkup me emen ekwu.

Nteme akpatanden̄ ìre onineen̄ ebi kè nteme [instructions] eyi akpatanden̄ okigọọk mgbọ ibonwene nkwukwuuk-etip. Nteme chi okitap ubọk inyi akpatanden̄ inyi irọ ifuk, mè ìre inwene nkwukwuuk-etip mè ìre iben ema inan̄a me ere ge isi isun̄ me ufi ere. Isirọ isan̄a, môsun̄ nkwukwuuk-etip ya inwọn me emen òbeme-etip, mè ìre isan̄a ijeen̄ me isi akpatanden̄ mè ìre iria ijet ufi akpatanden̄. Mêkọt igugọbọ [connect] owuwa akpatanden̄ isun̄ ge isa irọ <network> kire <internet>. Eyi mônenirọ ibe ikup mfufet akpatanden̄ cha ikekikpa usem ge mèlek ge.

Òsi-ikwaan̄ [processor] òkup me lek akpatanden̄, ekisa <integrated circuit (chips)> òkaan̄ owuwa <transistors>, irom. Owuwa akpatanden̄ ìre <digital>, eyi òsibi ibe ke ema ekisa nkwukwuuk ifuk eyi ebon iba ijeen̄ etip. Akpatanden̄ ìkup me esese esese mbet mè oke, igọọk me lek ike erombe [model] mè inu erombe inyi. Mîkaan̄ echi asabọn kubọk ọkpọk etip òriọọn̄ inu mè akpatanden̄ inyọn̄ ukot; mè ikaan̄ si echi ilile kubọk akpatanden̄ òkaan̄ unye [supercomputers].